5vörðuháls

Laugardagurinn 24. júní hófst með keyrslu að Skógum. Það var skýjað en ágætlega heitt og þurrt. Um hádegisbilið hittist gönguhópurinn og kom þá í ljós að mestu karlmennirnir höfðu þjófstartað! Þeir voru þegar búnir að ganga Þórsmörk-Skógar og ætluðu nú að halda áfram með okkur hina leiðina. Annar þeirra komst meira að segja alla leið og telst því hafa labbað Fimmvörðuhálsinn fram og til baka á einum sólarhring. Geri aðrir betur.

Ég lét mér nægja að ganga einu sinni. Þetta var stundum erfitt en með góðra vina hjálp sem voru duglegir að segja:"Bara ein brekka í viðbót..", hafðist þetta allt saman. Veðrið var gott og mér tókst meira að segja að brenna aðeins á öðru eyranu og roðna í framan. Fyrir utan það var leiðin mjög falleg. Sérstaklega til að byrja með þar sem hver glæsifossinn tekur við af öðrum. Fyrir mér var þessi ferð samblanda af 3 hlutum - náttúrufegurð, góðu fólki og góðu veðri. Samblanda sem getur ekki klikkað og ég vona að ég nái að endurtaka oft.

Fyrstu hlutirnir okkar fjölskyldunnar eru að fara í gám þegar þetta er skrifað. Og síðdegis á fimmtudaginn fáum við nýju íbúðina okkar í Norrmalm afhenta. Meiri háttar spennandi!